Siç ishte dhe paralajmëruar dhe më parë opozita e bashkuar fillon sot aksionin për mosbindjen civile. Qytetarë nga i gjithë vendit, si dhe përfaqësues të forcave politike opozitare do të dalin sot në rrugë ku do të bllokojë disa akse kryesore të rrugëve.
E ndërsa kanë nisur të grumbullohen protestuesit në Vorë para mbikalimit nga të dyja akset. Ndërkohë që sapo ka mbërritur dhe kreu i opozitës Lulzim Basha i cili do të jetë në mbështetje të protestuesve në Vorë. Protestuesit kanë ardhur nga Tirana dhe nga zonat e Shqipërisë së Mesme. Deputetët e opozitës nga Tirana dhe rrethet do të jenë në protestë. Ndërkohë që mësohet se Monika Kryemadhi do jetë në Elbasan.
Ndërkohë që në rrethrrotullimin e Milotit do jenë deputetet e qarqeve të Veriut, ndërsa në Elbasan deputetët e kësaj zone me në krye kryetaren e LSI-së, Monika Kryemadhi.
Në Çermë të Lushnjës do të mblidhen deputetët e Jugut dhe Durrësit me në krye Enkelejd Alibeajn.
Ata kanë nisur mosbindjen civile, pak ditë pas arrestimit të 23 qytetarëve nga Kukësi të cilët protestuan per vendosjen e taksës 5 euro për kalim në Rrugën e Kombit.
