Ambasadorja e BE-së në Tiranë, Romana Vlahutin theksoi sot se negociatat nuk janë një dhuratë, ndërsa kërkoi që të luftohet krimi dhe korrupsioni. Vlahutin deklaroi se sfidë për Shqipërinë ngelet siguria dhe migracioni. Gjithashtu, ajo deklaroi se sfidë për Shqipërinë ngelet siguria dhe migracioni.
Deklaratat e ambasadores u bënë në mbledhjen Këshillit Kombëtar për Integrimin Evropian me qëllim diskutimin mbi Strategjinë e Komisionit Evropian për zgjerimin në kuadër të procesit hapjes së negociatave, që Shqipëria shpreson që të ndodhë një qershor.
“Shteti i së drejtës është një nga pikat kryesore. Strategjia ka si bazë të saj luftën kundër korrupsionit dhe krimit. BE është e vendosur për të rritur angazhimin në rajonin e Ballkanit.
BE synon nxitjen e investimeve në rajon dhe mbështetjen në arsim dhe sektorin social, sidomos arsimit profesional. Negociatat nuk janë një dhuratë. Mirëpresim diskutimet nga shoqëria civile për të mbështetur dialogun mbi konsensusin për gjërat më të rëndësishme që kanë të bëjnë me Shqipërinë. Sa i përket sigurisë dhe migracionit janë parashikuar nisma specifike për ligjzbatimin. Do bëhen përpjekje më të mëtejshme për ekspertizën. Po kështu komisioni synon që të ngrihet një task-forcë e BE. Kur bëhet fjalë për zhvillimin socio-ekonomik BE do të fut një skemë të re për fondet në rajon. Do të nxitet dhe mbështetja dhe në arsim” tha ambasadorja e BE.
