Deputeti i PD-së, Ervin Salianji ka reaguar pas arrestimit të 39 personave për trafikimin e shqiptarëve drejt Shteteve të Bashkuara të Amerikës, Kanadasë dhe Britanisë së Madhe.
Me anë të një postimi në rrjetin social “facebook” Salianji shkruan se shkaktarin e vërtetë që ka vendosur shqiptarët në këtë zgjidhje kush do ta arrestojë.
Sipas tij shqiptarët janë mes dy zjarreve, të paguajnë 25 mijë dollarë për pelivanët e vizave apo të paguajnë 25 mijë dollarë çdo vit për Ramën që sipas tij përveçse i zhvat çdo ditë i lë edhe pa punë e spitale.
Postimi i plotë i Ervin Salianji:
Kush do të arrestojë shkaktarin e vërtetë që i ka vendosur shqiptarët mes dy zgjedhjeve? të paguajnë 25 mijë dollarë për pelivanët e vizave që të degdisin nuk dihet se ku apo të paguajnë 25 mijë euro cdo vit për Ramën që ndërsa ia zhvat përditë qytetarëve kursimet dhe borxhet, i lë edhe pa punë, pa spitale, pa siguri.
Duhet ndaluar një herë e mirë jo vetëm matrapazi i vogël që deri sot është favorizuar nga policia, ai që ju merr lekët me premtimin se i hedh në një botë që edhe mund të kenë ndonjë mundësi, por baroni i madh Rama që tërheq vizat dhe pasi zhvat fryn kacek oligarkët shërbëtorë.
Shqipëria e zhytur në korrupsion e krim, në shumicën e qyteteve drejtimi politik i shtetit është në dorën e bandave dhe banditëve.
Qyetarët janë para dilemës të ikin nga Shqipëria duke shitur gjithçka për të bërë 25 mijë dollarë dhe të shkojnë atje ku ndoshta sigurojnë vaktet e ushqimit për familet apo të rrinë nën hyqmin e krimit dhe fëmijët e gratë ti punojnë si skllevër për 20 mijë lekë dita në trafikime. Më keq akoma të paguajnë me jetën sepse mijëra fëmijë përfundojnë shpërndarës e përdorues drogrash.
Dje policia kapi në flagrancë një dyqanxhi tortash, sot paraqet si super operacion kapjen e një rrjeti shitësash, punë që janë të rëndomta për policinë e shtetit.
Grup i strukturuar kriminal është ai që sjell 180 milion euro kokainë, ai qe kontrollon Durresin, Korçën, Elbasanin, Shkodren, grupe të strukturuar që po copëtojnë dhe bëjnë të pabanueshme Tiranën. Këta i kapni dot?!
