Përplasja mes gazetari Artan Hoxha dhe ish-kryeministrit Sali Berisha nuk ka kaluar pa vëmendje në Komisionin e Mediave.
Ka qenë ish-ministri i Shëndetësisë, Ilir Beqja, ai që ka akuzuar Berishën se kërcënoi publikisht Artan Hoxhën dhe se ndaj tij duhet mbajtur qëndrim.
DEBATI
Ilir Beqja: Sali Berisha tre ditë më parë ka kërcënuar një gazetar. Ai kërcënoi në studion televizive Artan Hoxhën dhe për këtë duhet mbajtur qëndrim.
Albana Vokshi: Nëse jeni për kërcënime hajde firmosni deklaratën e s’keni pranuar. Shkoni te kryeministri që i konsideron gazetarët si media të kazanit.
Luçiano Boçi: Ka pasur një debat televiziv dhe nuk ka pasur kërcënim. Duhet të merrje pjesë te seanca dëgjimore kur gazetarin e kërcënuan pse zbuloi trafikun e drogës në Gjirokastër. Duhet të ishe këtu shumë i shqetësuar kur kryeministri kërcënoi gazetarët në Parlament. Mos bëni sikur e doni kaq shumë gazetarin. Një debat televiziv nuk mund ta shndërrosh në një kauzë për gazetarët.
