Prokuroria e Krimeve të Rënda ka dërguar letër porosi të re për çështjen “Tahiri”, tek homoholët e saj italianë. Prokuroria mësohet se kërkon nga Italia dëshmitë e të akuzuarve dhe arrestuar në Katania, përfshirë edhe Moisi Habilajt, që ka lidhje familjare me ish ministrin.
Gjithashtu, në letër-porosi nga grupi i hetimit kërkohet edhe ndihmë për hetimet që kanë nisur këtu në Shqipëri.
Gjithashtu Prokuroria shqiptare kërkon të dije edhe dëshminë e Nazer Seitit, i cili nuk ka pranuar te thotë asgjë para autoriteteve shqiptare. Seiti ndodhej në burg në Shqipëri, por u esktradua në Itali pak javë më parë.
40-vjeçari Nezar Seiti u ekstradua drejt Italisë pothuajse një muaj më parë. Gjykata vendosi ekstradimin e financierit të Habilajve, i cili mbahej në burgun 313.
Seiti u arrestua në fshatin Babicë, gjatë një operacioni teksa u sekuestruan rreth 4 ton lëndë narkotike Cannabis Sativa.
Nisur nga përgjimet ambientale, por edhe telefonike rezulton se Nezar Seiti lëvizte shpesh nga Shqipëria drejt Italisë dhe anasjelltas dhe kishte detyra të siguronte ambiente dhe pjesën logjistike të grupit.
Nezar Seitit i është ofruar statusi i bashkëpunëtorit, por ai e ka refuzuar një “marrëveshje” të tillë, ndërsa ka pranuar para prokurorëve të Krimeve të Rënda se ka lidhje krushqie me Habilajt, pasi gruaja e tij i ka kushërinj.
Gjithashtu, ai ka thënë se ka udhëtuar shpesh drejt Italisë në kërkim të punëve të ndryshme dhe se kthehej shpesh në Shqipëri për të parë prindërit e moshuar, që banojnë në Vlorë.
Lidhur me trafikun e drogës dhe rolin e tij si bashkëpunëtor i Moisi Habilajt, Nezar Seiti nuk ka preferuar të japë shpjegime.
Më herët, ai ka kërkuar që të gjykohet në shtetin fqinj, ku janë ngritur akuzat e para, duke i thënë “po” ekstradimit. TIRANA TODAY
