Dy kandidatët kryesorë në garën për kreun e federatës shqiptare të futbollit Armand Duka dhe Bashkim Fino janë në një përballje platformash dhe idesh në Top Channel, në emisionin “Të Paekspozuarit” të gazetarit Ylli Rakipi.
Duka ka akuzuar Finon, se ka aktivizuar kriminelë dhe gangsterë për të frikësuar votuesit dhe se ai vetë ka frikë ti përmendë emrat e këtyre personave. Nga ana tjetër Fino nuk e lë me kaq dhe i përmend se nuk është quajtur ndonjëherë anëtarë i “klanit të zenunit”.
“Harroji punët e dosjeve dhe burgjeve. Je mësuar vetëm të shah dhe të ofendosh. Frymë e re nga “muci naci baci”, nuk e pres të vij. Frymë e re nuk e pres nga korrupsioni. Qetësohu vëlla se na duhesh deri në datë 7. S’ke lënë kriminel dhe gangster pa aktivizuar. Politikanët që ti ke fut në fushatë, dhe gangsterët që ke futur në fushatë. Të tërë i ke përfshirë në fushatë. Emrat e kriminelëve kam frikë ti them. Po më dhanë urdhër gangterëve, të tërhiqem, do të tërhiqem.”
Fino është përgjigjur duke thënë, se atë nuk e kanë quajtur asnjëherë “klani i zenunit”.
“Mua smë ka thënë njeri, Klani i Zemunit. Unë jam kristal i pastër.”
