Shqiptarët vijojnë të trafikojnë drogë drejt Italisë. Karabinirët kanë bllokuar 900 kg kanabis, ndërsa ka arrestuar dy shqiptarë. Vlera e drogës së sekuestruar nëse do të dilte në treg do të kapte shifrën e 8 milionë eurove. Lënda narkotike ishte nisur nga Vlora, ndërsa shqiptarët e arrestuar janë K.B. 52 dhe B.A. 39 vjeç. 
Gomonia e ngarkuar me kanabis është pikasur nga Guardia di Finanza në Bari. Dy skafistët shqiptarë kanë bërë shumë manovra për t’u larguar por të pa suksesshme sepse janë arrestuar. Gjatë ndjekjes trafikantët kanë hedhur një pjesë të ngarkesës në det.
Të dy trafikantët mësohet se kishin kaluar kufirin me pasaportë të rregullt si këmbësor drejt Malit të Zi.
Policia kufitare që ka sinjalizuar Policinë e Malit të Zi, duke i vënë në dijeni për dyshimet ndaj këtyre dy shtetasve se mund të merreshin me trafik droge. Kaq mjaftoi që homologët malazezë t’i mbanin dy shqiptarët në vëzhgim deri sa ata kanë shkuar në det ku kanë marrë gomonen me drogë dhe janë nisur për Itali. Gomonia me drogë u nis nga Mali i Zi.
Me gjithë masat e marra dhe bashkëpunimet midis dy policive, sërish vijon trafiku i drogës nga brigjet shqiptare drejt Italisë. Edhe takimet midis dy ministrave të Brendshëm duket se nuk kanë dhënë rezultat.
