Kryeministri Edi Rama thotë se Serbia nuk futet në BE para Shqipërisë pa njohur Kosovën. Gjatë aktivitetit të Forumit Ekonomik Botëror, Davos, Rama ka dhënë një intervistë për mediat Serbe, ku ka folur dhe për anëtarësimin e Shqipërisë në Bashkimin Evropian.
“Kjo është konkurrencë e shëndoshë dhe ne kemi dëshirë të përparojmë dhe pse jo, në të ardhmen të jemi në pozitë të njëjtë dhe të hyjmë përnjëherë në BE, me supozimin që Serbia të njohë Kosovën”, deklaroi Rama.
Kreu i qeverisë shqiptare u përgjigj se ky ishte një proces i bazuar tek merita dhe se në momentin që flasim Serbia është më përpara pasi është tashmë duke negociuar.
Megjithatë kryeministri e konsideroi këtë një garë të shëndetshme nga të dyja palët.
“Është një proces i bazuar tek merita dhe ndërsa flasim Serbia është më përpara, sepse Serbia tashmë duke negociuar dhe jemi duke pritur me padurim të nisim negociatat këtë vit. Por është një garë e shëndetshme, le të themi.
Procesi i anëtarësimit bazohet në të arriturat. Serbia është para nesh sepse tashmë po zhvillon negociata, por ne shpresojmë se sivjet do t’i fillojmë negociatat” deklaroi Rama.
