Ministri i Brendshëm Fatmir Xhafaj nga Kuvendi i Shqipërisë, gjatë diskutimit për buxhetin në Kuvend ka deklaruar se policia do të pastrohet nga të gjithë të inkriminuarit. Duke komentuar operacionin “Forca e Ligjit”, që nisi një ditë më parë në Fier, Xhafaj paralajmëroi se janë të skeduar edhe 4 të tjerë të cilët do të goditen.
“Pajisje speciale për të luftuar krimin e organizuar. Buxheti mundëson plotësisht realizimin e prioriteteve. Do të vazhdojmë që të godasim kultivimin e kanabisit.
Implikimi i punonjësve të policisë në trafik është një motiv më tepër për t’i hequr nga policia përmes Vettingut. ‘Forca e Ligjit’ do të luftojë krimin e organizuar. Goditja e një prej 5 grupeve të skeduara në atë rajon do të vijojë. Jemi në fund të grumbullimit e të dhënave të grupeve kriminale, një data baze për personat e përfshirë në këtë biznes” deklaroi ai.
“Jam ulur në atë karrige jo për interesa e ambicie personale por për më shumë rend e siguri për t’u siguruar që reforma e re e drejtësisë do zbatohet për të qene të gjithë të barabartë përpara ligjit. Lufta kundër krimit është një sfidë e madhe për të gjithë ne. duhet ta fitojmë dhe do e fitojmë” vijoi Xhafaj.
