Presidenti i ri i Republikës së Shqipërisë, Ilir Meta nuk e ka harruar as sot, ‘pikën e tij të dobët’, ish-kryeministrin Sali Berisha por as “armiken e dikurshme” dhe me sa duket sipas sinjaleve miken e ardhshme Jozefina Topallin.
Meta pas betimit pati një fjalim jo shumë të gjatë dhe në përfundim shtrëngim duarsh…por jo me kryeministrin Edi Rama.
Mes Metës dhe Ramës nuk ka pasur as një përshëndetje formale, ndonëse Presidenti i Ri, i ka përshëndetur të gjithë të tjerët e pranishëm. Ai është afruar deri tek podiumi ku qëndronin kryeministri dhe ministrat, ka përshëndetur Bashkim Finon dhe më pas ka zbritur poshtë.
Ai është ndalur disa sekonda duke shtrënguar duart dhe shkëmbyer buzëqeshje me ish-kryeministrin Sali Berisha dhe ish-kryetaren e parlamentit Jozefina Topallin.
Gjatë shtrëngimit të duarve ish-kryeministri Sali Berisha, tha në media se “Ja bëra urimin, i uroj suksese në detyrë”, tha Berisha, i cili shpesh është përmendur nga Meta si një nga politikanët e tij të preferuar.
Shtrëngimi i duarve me Topallin është një sinjal i qartë, ndaj atij që Meta nuk takoi sot.
Armiku i armikut tim është miku im thotë një fjalë e urtë. Po kur ku armiku i armikut ka qenë dikur dhe armiku yt a mund të bëhet sot miku yt? Ketë do e tregojë koha.
