Ish-kryetari i Partisë Demokratike, Sali Berisha është personi që ka mbështetur jo publikisht zhvillimin e zgjedhjeve në 22 korrik, kjo sigurisht që është një lëvizje pro kryetarit aktual por dhe për të mbajtur nën tutelë ata që do të garonin për mos u dhënë mundësi për debat.
Ishte vendimi i kryesisë së PD-së ajo që vendosi për këtë datë, me gjithë kërkesën e Astrit Patozit dhe Eduard Selamit për shtyrjen e tyre për në fillim të shtatorit. Por sigurisht ish-lideri historik i demokratëve është ai që vendos akoma se çfarë ndodh në partinë që ai udhëhoqi për afro 20 vite, duke mos llogaritur periudhën kur ky i fundit ka shërbyer si president i vendit.
I pari që foli për këtë vendim të Berishës në publik ishte kandidati për kreun e PD-së, Eduart Selami, i cili shpjegon arsyet pse u vendos 22 korriku.
“Berisha beson se sa më e shkurtër të jetë koha për zhvillimin e zgjedhjeve të brendshme, aq më shumë largohet mundësia e përçarjes. Ndërkohë që unë e shoh ndryshe. Por kjo nuk mund të diskutohet tani, pasi atë e ka vendosur kryesia. Atë që thotë z. Patozi, që unë të tërheq kandidaturën, unë nuk e quaj rrugën e drejtë këtë. Por unë nuk e paragjykoj atë”, u shpreh Selami.
