Fillimi i javës do të jetë në favor të atyre që i ka bezdisur vapa e madhe, por do u prishë disi planet atyre që janë me pushime.
Sipas parashikimit të motit nga Meteoalb, deri në mesditë veriu dhe ultësira perëndimore paraqiten me alternim të kthjellimeve dhe vranësirave të shoqëruara me shira të dobët, ndërsa pjesa tjetër e territorit do të ketë kthjellime dhe vranësira kalimtare.
Pjesa tjetër e së hënës, zhvendos vranësirat dhe shirat e dobët drejt zonave lindore dhe juglindore duke lënë me mot kryesisht të kthjellët pjesën më të madhe të vendit.
Temperaturat e ajrit do të pësojnë rënie të ndjeshme duke bërë që bregdeti dhe zona e ulët të shënojnë 18–19 gradë celsius, por ulen deri në 12 gradë celcius në zonat malore.
Mesdita sjell një tjetër rënie të temperaturave, ku maksimumi në zonat malore do të zbresë në 25–26 gradë celsius, ndërsa në bregdet dhe zonat e ulëta, parashikohet që temperatura maksimale të ngjitet jo mbi 31 gradë celcius.
