Presidenti i zgjedhur, Ilir Meta i ftuar në emision “Dritare”, tha se Basha ka dy avantazhe ndaj Edi Ramës. Meta tha se Basha nuk ka lidhje simbiotike me bandat por ironizoi kur ia llogariti si avantazh fotografinë me Trump.
“Basha ka një avantazh se nuk ka një lidhje simbiotike me bandat. Harrova ka dhe një avantazh tjetër se ka dalë në foto me Trump. Po të dalë PD dhe LSI jam i bindur që do të marrë sërish mbi 80 mandate” tha Meta.
Gjithashtu, Meta tha se LSI-ja të paktën u qan hallet njerëzve dhe kur nuk ua zgjidh ato. “Unë i bëj thirrje të gjithëve, që edhe nëse nuk duan të merren me politikë, do të jetë politika që do të merret me ta. Është e domosdoshme që secili qytetarë të shkojë të votojë në 25 qershor, detyrë patriotike, mbi të gjitha detyrë ndaj fëmijëve tanë. Voto për atë forcë politike që edhe nëse nuk ta zgjidh një hall, ta qan atë hall.”
