Ditën e sotme, opozita do të zhvillojë një protestë masive, e cila vjen pas dështimit të zgjedhjeve në Kavajë.
Protestuesit do të grumbullohen rreth orës 11:30 në sheshin mes ministrisë së Brendshme dhe asaj të Bujqësisë.
Kreu i PD-së, Basha do të marshojë nga selia blu në bulevardin “Zhan Dark” për t’iu bashkuar protestuesve në bulevard para hotel “Dajtit”, ku bashkë me ta do i drejtohet sheshit para kryeministrisë.
Nuk dihet se kur do të shpërndahet protesta, ndërsa Poicia e Shtetit ka angazhuar 1.500 forca policore për mbarëvajtjen e saj.
Institucionet kryesore do të ruhen me kordon policor, si dhe do të ketë agjentë civilë të infiltruar brenda protestës, të cilët do të fotografojnë protestuesit që mund të kryejnë akte vandalizmi. Po ashtu në tarracat e Kryeministrisë dhe Kryesisë së Kuvendit do të ketë efektivë policie të cilët do të monitorojnë nga sipër çdo veprim.
Gjithashtu, Drejtoria Vendore e Policisë Tiranë ka vendosur të ndalojë parkimin dhe qarkullimin e të gjitha kategorive të mjeteve në segmentet rrugorë:
– nga ora 07:00 deri në përfundim të protestës – Rrruga “Papa Gjon Pali II”, nga Sheshi “Italia” deri tek kryqëzimi në Bulevardin “Bajram Curri”.
– nga ora 11:30 deri në përfundim të protestës – Sheshi “Skënderbej”, Rruga “Myslym Shyri”, nga kryqëzimi me Rrugën “Ibrahim Rugova” deri tek Kryqëzimi me Bulevardin “Dëshmorët e Kombit” – Bulevardi “Dëshmorët e Kombit” deri tek Kryqëzimi me Rrugën “Ibrahim Rugova”, – Bulevardi “Bajram Curri” nga kryqëzimi me rrugën “Ibrahim Rugova”, deri tek kryqëzimi me rrugën e “Elbasanit”.
