Presidenti i sapozgjedhur, Ilir Meta, mbajti një konferencë për shtyp, mbi veprimet dhe qëndrimet që do të mbajë tani pas zgjedhjes si Kreu i Shtetit.
“Sot, në mbrëmje, do të heq dorë nga funksionet drejtuese në LSI, pasi të përfundojnë listat e deputetëve që do kandidojnë për LSI-në në të gjithë vendin. Pas dorëheqjes sime kompetencat drejtuese të LSI-së do t’i kalojnë Petrit Vasilit. Është detyrë dhe përgjegjësi e Vasilit për të shpalosur programin e LSI-së përpara fushatës elektorale”, tha midis të tjerash Meta.
Po ashtu, Meta u tha gazetarëve se nga sot çlirohet nga çdo lloj raporti partiak me PS-në dhe drejtuesit e saj. Meta do të qëndrojë në postin e kreut të Kuvendit deri sa të betohet si president.
Gjithashtu, Meta deklaroi se pas dorëheqjes si kreu i LSI-së mund të takohet me zotin Basha dhe funksionarë të tjerë të PD-së, për zgjidhjen e ngërçit politik.
