Italia duket gati për Euro 2020-ën dhe sonte do të hapë turneun kundër Turqisë, në Romë.
Mikpritësit do të tentojnë ta zgjasin një seri prej 27 ndeshjesh pa humbje nën drejtimin e Roberto Mançinit. Dhe ish-trajneri i Interit dhe Mançester Sitit është i kënaqur me harmoninë në grup.
“Më pëlqen atmosfera që është krijuar në ekip dhe ajo që lojtarët më të rinj ia kanë dalë të arrijnë në një kohë kaq të shkurtër, edhe falë ndihmës që kanë marrë nga lojtarët më me përvojë në grup,” tha Mançini. “Ndonjëherë lojtarët kanë nevojë për më shumë kohë, por këta të rinj mësojnë shpejt dhe janë përmirësuar shumë, edhe pse janë kaq të rinj, ata përsëri mund të përmirësohen më tej.”
Gjithçka që duhet të dini për ndeshjen hapëse të Europianit, sonte, në Stadiumin Olimpik të Romës:
Kur është ndeshja?
Ndeshja midis Turqisë dhe Italisë është planifikuar për sonte, e premte 11 Qershor, në 21:00.
Ndeshja do të zhvillohet në ‘Stadio Olimpico’ në Romë, Itali, shtëpia e Romës dhe Lacios dhe do të ketë 25-45% të kapacitetit të stadiumit me tifozë për të siguruar mbështetjen në shtëpi të ‘Axurrëve’.
Cilat janë të fundit nga dy kampet?
Italia
Këtu Mancini pritet të zgjedhë një 4-3-3, Donaruma pritet midis shtyllave prapa Bonuçit dhe Kielinit, ndërsa Florenci ka një dëmtim të lehtë, që mund të nënkuptojë hyrjen e Di Lorencos dhe Spinacolës përpara Emersonit në të majtë.
Jorginho, i freskët nga triumfi i Çelsit në Ligën e Kampionëve, do të bashkohet me Barelën, ndërsa Lokateli mund të jetë pjesëtari i tretë i mesfushës në vend të Pelegrinit, duke pasur parasysh që Verrati nuk është në gjendje të mirë. Insinje dhe Imobile sigurisht që do të starojnë titullarë me Kiezën i cili pritet të ‘mundë’ Berardin për vendin e fundit në formacion.
Skuadra e plotë e Italisë:
Porta: 21 Gianluigi Donnarumma (Milan), 26 Alex Meret (Napoli), 1 Salvatore Sirigu (Torino)
Mbrotja: 15 Francesco Acerbi (Lazio), 23 Alessandro Bastoni (Inter), 19 Leonardo Bonucci (Juventus), 3 Giorgio Chiellini (Juventus), 2 Giovanni Di Lorenzo (Napoli), 13 Emerson Palmieri (Chelsea), 24 Alessandro Florenzi (Paris Saint Germain), 4 Leonardo Spinazzola (Roma), 25 Rafael Toloi (Atalanta)
Mesfusha: 18 Nicolò Barella (Inter), 16 Bryan Cristante (Roma), 8 Frello Jorge Luiz Jorginho (Chelsea), 5 Manuel Locatelli (Sassuolo), 7 Lorenzo Pellegrini (Roma), 12 Stefano Sensi (Inter), 6 Marco Verratti (Paris Saint Germain)
Sulmi: 9 Andrea Belotti (Torino), 11 Domenico Berardi (Sassuolo), 20 Federico Bernardeschi (Juventus), 14 Federico Chiesa (Juventus), 17 Ciro Immobile (Lazio), 10 Lorenzo Insigne (Napoli), 22 Giacomo Raspadori (Sassuolo)
Turqia
Turqia do të ketë Demiralin dhe Sojunçu prapa, me hajmalinë Yilmaz në krye dhe Calhanoglunë me goditjen e tij potente. Senjol Gynesh prtet të përzgjedhë një formacion në bazë të kundërshtarit.
Skuadra e plotë e Turqisë:
Porta: Altay Bayindir (Fenerbahçe), Fehmi Mert Gunok (Medipol Basaksehir), Ugurcan Cakir (Trabzonspor)
Mbrojtja: Mehmet Zeki Celik (Lille), Caglar Söyüncü (Leicester), Kaan Ayhan (Sassuolo), Merih Demiral (Juventus), Mert Muldur (Sassuolo), Ozan Muhammed Kabak (Liverpool), Rıdvan Yılmaz (Besiktas), Cengiz Umut Meraş (Le Havre)
Mesfusha: Yusuf Yazici (Lille), Dorukhan Toköz (Besiktas), İrfan Can Kahveci (Fenerbahce), Okay Yokuşlu (WBA), Orkun Kökçü (Feyenoord), Ozan Tufan (Fenerbahce), Taylan Antalya (Galatasaray), Hakan Calhanoglu (Milan)
Sulmi: Burak Yilmaz (Lille), Cengiz Ünder (Leicester), Enes Unal (Getafe), Efecan Karaca (Alanyaspor), Abdulkadir Omur (Trabzonspor), Muhammed Kerem Aktürkoğlu (Galatasaray), Halil İbrahim Dervisoglu (Galatasaray), Kenan Karaman (Fortuna Dusseldorf)
Përgatiti: Tirana Today
