Ministrja për Evropën dhe Punët e Jashtme, Olta Xhaçka, ka pritur në një takim Ambasadoren e SHBA-së në Tiranë, Yuri Kim.
Lajmin e ka bërë të ditur vetë ministrja përmes një postimi në Twitter pak pas takimit.
Xhaçka ka theksuar se përgatitjet për KS po vazhdojnë me hapa të shpejtë, teksa e cilësoi këtë si një mundësi historike për diplomacinë shqiptare.
Ky takim ka ardhur pak para se Olta Xhaçka të udhëtojë për në Nju Jork, ku do të marrë pjesë në Asamblenë e Përgjithshme të Organizatës së Kombeve të Bashkuara, ku më 11 qershor do të votohet për zgjedhjen e Shqipërisë, si anëtare jo e përhershme në Këshillin e Sigurimit, për periudhën 2022 – 2023.
“Një shkëmbim i shkëlqyeshëm me Ambasadoren @USAmbAlbania mbi përgatitjet e # Shqipërisë për zgjedhjet #UNSC të 11 qershorit. Përgatitjet janë duke u zhvilluar për këtë mundësi historike për diplomacinë shqiptare.”-shkruan Xhaçka në Twitter
A very good exchange w/ ??@USAmbAlbania on #Albania‘s preparations for #UNSC elections on 11th of June. Preparations proceeding apace for this historical opportunity for Albanian diplomacy. pic.twitter.com/ysh6xs9zko
— Olta Xhaçka?? (@xhacka_olta) June 4, 2021
