Një vonesë prej 10 minutash ka acaruar Gattuson dhe Milanin së tepërmi, duke i detyruar që të marrin një vendim drastik për lojtarin. Bëhet fjalë për mesfushorin që është në huazim te kuqezinjtë, Timoue Bakayoko. Ky i fundit është vonuar 10 minuta në stërvitje dhe e ka justifikuar vonesën duke thënë se i kishte mbaruar karburanti i makinës, ndërsa ishte duke shkuar në stërvitje.
“SportMediaset” bën me dije se lojtari francez ka marrë një gjobë prej 90 mijë eurosh nga klubi dhe nuk është bindur nga ky justifikim. Gjithashtu drejtuesit kanë marrë një vendim drastik, duke e kthyer lojtarin te Chelsea në fund të sezonit dhe duke mos aktivizuar të drejtën e blerjes prej 35 milionë eurosh.
Bakayoko së fundmi ishte një ndër lojtarët më të mirë të Milanit në fushë, dhe ishte kthyer në një titullar të padiskutueshëm, por te kuqezinjtë tashmë disiplina është parësore.
Tashmë Milani duhet të kërkojë për një mesfushor tjetër, por edhe një trajner sepse as Gattuso nuk do të jetë më në krye të stolit të skuadrës, nga sezoni që vjen.
