Sot 8 vite më parë zona e Restelicës në Kosovë u godit nga një ortek dëbore, i cili i mori jetën 10 personave të së njëjtës familje.
Në atë kohë, Forcat e Sigurisë së Kosovës arritën të nxjerrin të gjallë nga gërmadhat një vajzë 6-vjeçare.
Amsera Reka, sot 14-vjeç humbi atë ditë dy prindërit dhe vëllain dyvjeçar. Ishte Hoxha i fshatit, Shaban Haxhi, i cili insistoi se kjo familje kishte katër anëtarë dhe po dëgjonte një zë fëmije që ishte ende gjallë nën gërmadha.
Ai iu kishte shpjeguar pjesëtarëve të FSK-së se nga po vinte zëri dhe pas largimit të gurëve të fundit dhe betoneve, 6-vjeçarja u nxor e gjallë.
Nëna e saj e kishte kapur në gji vajzën dhe pllaka e betonit nuk kishte arritur ta godiste. Amsera momentalisht jeton në Itali te disa të afërm të saj.