Duke nisur nga 1 tetori, familjet do të paguajnë çmimin e energjisë elektrike me 42 lekë pa TVSH për çdo kilovat mbi 800 kwh që shpenzojnë. Deputetja demokrate Grida Duma, ka shprehur qëndrimin e saj në lidhje me masat e reja të prezantuara nga qeveria në lidhje me krizën ekonomike.
Duma me anë të një postimi në rrjetet sociale thotë se të gjithë ata që shpenzojnë energji elektrike për një faturë prej 7,600 lekësh në muaj, do të paguajnë një faturë 4.4 herë më të lartë.
“Nëse shpenzoni më shumë se 7,600 lekë në muaj energji, fatura shtesë do të jetë 4.4 herë më e lartë!
Të gjithë ata që normalisht në dimër shpenzojnë më shumë se 800 kw energji, që i korrespondon një fature prej 7,600 lekësh në muaj, do ta paguajnë energjinë shtesë shumë më shtrenjtë.”
Ky është vendimi i qeverisë, e cila pretendon që kjo prek vetëm 3 % të qytetarëve.
Duke parë faturën dhe shpenzimin tuaj, mendoni që ju prek ky vendim dhe kjo rritje?
Nëse po, komentoni”.
Kryeministri Edi Rama është përfshirë në një replikë në rrjetet sociale me deputeten demokrate Grida Duma, sa i përket vendimit të qeverisë për të rritur çmimin e energjisë për ata që harxhojnë 800 KW energji.
Ai thekson se kush do të harxhojë më shumë se 9.120 lekë energji elektrike në muaj, do paguajë çmimin real.
“Komenti im është ky: 7X7 nuk bëjnë 42 dhe 800kWh energji nuk prodhojnë një faturë mujore 7.600 lekë, por një faturë 9.120 lekë! Kush do të harxhojë më shumë, për çdo kw mbi 800-ën nuk do të paguajë çmimin e mbrojtur 9.5 lekë me TVSh, po çmimin real 42 lekë me TVSh!”.
Komenti im është ky: 7X7 nuk bëjnë 42 dhe 800kwh energji nuk prodhojnë një faturë mujore 7.600 lekë, por një faturë 9.120 lekë! Kush do të harxhojë më shumë, për çdo kw mbi 800-ën nuk do të paguajë çmimin e mbrojtur 9.5 lekë me TVSh, po çmimin real 42 lekë me TVSh! pic.twitter.com/8hoKbKHmTM
— Edi Rama (@ediramaal) September 8, 2022
