Policia Rrugore nuk ndalet me kontrollin e rreptë ndaj të gjithë shoferëve abuziv. Gjatë 5 orëve kontroll me radar e dragera janë pezulluar 22 patenta.
Burime zyrtare të policisë shtojnë se janë vënë në pranga 4 drejtues mjetesh, për drejtim mjeti në gjendje të dehur dhe 3 për drejtim mjeti pa Leje Drejtimi. Një 21 vjeçar është kapur nga policia, duke qarkulluar me shpejtësi të frikshme. Ai kishte 7 muaj që ishte pajisur me patentë.
Njoftimi
Tiranë
22 patenta të pezulluara përgjatë 5 orëve kontroll me radar e dragera, nga të cilat 10 për shpejtësi e 12 për alkool. 4 drejtues mjetesh në pranga për drejtim mjetinë gjendje të dehurdhe 3 për drejtim mjeti pa Leje Drejtimi.
Në aksin rrugor Sauk – Teg janë evidentuar 10 raste të shpejtësisë mbi normat e lejuara, shpejtësi që varionin 155 km/h deri 197 km/h. Shpejtësi e frikshme e 21 vjeçarit nga Tirana, me 197 km/h mbrëmjen e së shtunës, në kushte të lagështirës në rrugë, trafikut ende me fluks të lartë. 21 vjeçari pa mbushur as 7 muaj nga data e pajisjes me patentë. Shpejtësi që rrezikon seriozisht jo vetëm jetën e drejtuesit të mjetit, por edhe rrezik potencial për jetën e përdoruesve të rrugës.
Kontrollet kanë vijuar dhe vijonë ende në rrugët e Tiranës duke përdorur dragerat. Si rezultat janë evidentuar 8 drejtues mjetesh që drejtonin mjetin nën ndikimin e alkoolit në masë që varionte nga 0.30 mg/l deri në 0.48 mg/l,. Gjithashtu janë arrestuar në kushtet e flagrancës 4 drejues mjetesh për drejtim mjetinë gjendje të dehur dhe tre për drejtim mjeti pa Leje Drejtimi.
https://www.facebook.com/policiashtetitshqiptar/posts/2870649343221418
