7 mësues të shkollës 9 vjeçare “Sotir Gurra”, në Korçë kanë rezultuar pozitiv me Covid-19. Mësohet se shkolla është mbyllur deri në një vendim të dytë.
Ndërkohë, të gjithë mësuesve u është marrë tamponi. Shqipëria ka regjistruar një rekord të zi në lidhje me viktimat e shkaktuara nga Covid-19.
Në 24 orët e fundit, 7 persona nuk e kanë fituar betejën me virusin. Nga 1278 testime të kryera, u regjistruan 284 raste rezultuan pozitive.
Fatmirësisht, është rritur numri i të shëruarve, 103 brenda një dite. Situata paraqitet e rënduar edhe në spitalet covid, ku aktualisht janë të shtruar 285 pacientë.
