Seanca e ditës së sotme në Parlamentin e Shqipërisë ka patur reagime të fortë në lidhje me kapjen e kokainës në Durrës. Droga e kapur ishte fshehur në kontenierin e ngarkuar me banane dhe vinte nga Kolumbia. Ish-kryeministri Sali Berisha, ka hedhur akuza ndaj kryeministrit Rama dhe ministrit të Brendshëm, Fatmir Xhafaj.
Për Berishën, deklaratat e Ramës se droga u kap nga autoritetet shqiptare, ka vetëm një arsye dhe pas kësaj qëndron vëllai i kryeministrit, Olsi Rama. Rikujtojmë së ditën kur u sekuestrua sasia e kokainës, deklarata nga mazhoranca nuk ishin në një linjë. Kryeministri Rama deklaroi se drogën e kapën autoritetet shqiptare, pasi u kishte shpëtuar vendeve evropiane.
Ndërkohë në qëndrimin e parë, ministri i Xhafaj deklaroi se droga është kapur në bashkëpunim me ndërkombëtarët. Por, në qëndrimin e dytë të bëra pas disa orës, ai u tërhoq duke i dhënë përparësi fjalën së kryeministrit Rama. Berisha tha se Xhafaj u detyrua të lëpijë atë që pështyu, dhe këtë e lidhi me faktin e tërheqjes së deklaratës së parë.
“Rama mashtroi për operacionin e kapjes së drogës. Policia kolumbiane tha se janë kapur në bashkëpunim me strukturat evropiane. Ju jeni gati të thoni se ky po gënjen. Ky është suksesi juaj? Rritja e trafiqeve. Çfarë e shtyu Edi Ramën të thotë ne e kapëm? Ce detyroj Xhafajn të lëpijë atë që pështyu. Cilat janë këto shkaqe, ka vetëm një dhe vetëm një, ai është Olsi Rama. Pse nuk e arrestuat pronarin e “Arbri Garden”. Agjencitë më serioze të botës kanë lëshuar një akuzë disa herë më të fortë se kompania me banane”-tha Berisha.
