U mendua se gjithçka shkoi më së miri në përballjen që pati në “Elbasan Arena’, pak ditë më parë Skënderbeu me Partizanin e Beogradit. Por në vendimet e publikuara nga qeveria e futbollit evropian nuk është kështu. Ata kanë dënuar ekipin organizativ me një gjobë prej 60 mijë euro dhe një ndeshje të zhvillohet pa tifozë.
Këto masa janë marrë për arsye të thirrjes së koreve raciste nga ana e tifozëve, që ishin në stadium në drejtim të lojtarëve të Partizanit të Beogradit. Miqtë kishin udhëtuar pa tifozë në këtë ndeshje pas një rënie dakord mes dy klubeve. E njëjta gjë do të jetë edhe në udhëtimin e Skënderbeut në Beograd. Ndeshja që do të zhvillojë pa tifozë ekipi korçarë do të jetë ajo përballë Dinamos së Zagrebit.
Skënderbeu-Partizani i Beogradit u mbyll në rezultatin e pastër pa gola dhe ndeshja është zhvilluar normalisht, nuk ka pasur asnjë ndërprerje.
