Sot shënohen gjashtë vite nga vdekja e ish-deputetit të Partisë Demokratike Sokol Olldashi, teksa po udhëtonte me makinën e tij nga Elbasani në drejtim të Tiranës.
Miku i tij Çim Rexha ka shpërndarë në rrjetet sociale një video të papublikuar më herët. Në të cilën shfaqet Olldashi, duke luajtur në kitare.
Me mikun tim me te mire Sokol Olldashi. I paharruar do ngelesh ne zemrat tona, mik i dashur…… Video e shkurter, por e rralle! Ne ate kohe cel regjistronte, vetem 30sek
Gepostet von Cim Rexha am Samstag, 27. Februar 2016
Ai ka qenë një ndër studentët e ngjarjeve të dhjetorit ’90 dhe katër herë deputet në Kuvendin e Shqipërisë. Karrierën e tij e nisi si gazetar dhe kreyeredaktor i gazetës ‘Albania’. Ndërsa më pas, në vitin 2001 zgjidhet për herë të parë deputet në Kuvendin e Shqipërisë për të nisur një cikël të ri në jetën e tij atë të politikës.
Në korrik të vitit 2013, pas humbjes së zgjedhjeve elektorale nga Partia Demokratike dhe dorëheqjes së Sali Berishës nga posti i kryetarit të partisë, ai kandidon për kryetar partie, përballë Lulzim Bashës, në zgjedhje të debatuara për moskorrektësi, dhe nuk fiton.
Më 20 nëntor 2013, Sokol Olldashi vdiq pas një aksidenti të rëndë automobilistik në Krrabë. Shkak i aksidentit dyshohet të ketë qenë lagështia dhe shpejtësia e lartë me të cilën Olldashi ka udhëtuar. Për shkak të shpejtësisë së madhe dhe kthesës së pjerrët humbi kontrollin, duke u rrëzuar 20 metra poshtë në humnerë.
Denonco ne TT