Lëvizja Socialiste për Integrim ka dorëzuar në Komisionin Qendror të Zgjedhjeve, kërkesën për t’u regjistruar si subjekt politik në zgjedhjet e 6 Marsit.
KQZ shpërndau sot kërkesën e LSI për regjistrim në zgjedhjet për kryebashkiakë në gjashtë bashki. LSI do të marrë pjesë në zgjedhje në bashkitë Durrës, Shkodër, Lushnje, Dibër, Vorë, Rrogozhinë.
Më herët në KQZ janë regjistruar Partia Demokratike dhe Partia Socialiste.
Fushata elektorale për zgjedhjet e pjesshme vendore në 6 bashkitë e vendit që do të mbahen më 6 mars do të nisë më 19 shkurt. Ky ishte vendimi që u miratua ditë më parë pas propozimit të Komisionerit Shtetëror të Zgjedhjeve, Ilirjan Celibashi. Kandidatët do të kenë vetëm 14 ditë kohë për fushatën e tyre.
