Një 58-vjeçar është gjetur i vdekur në autostradën Tiranë–Durrës. Shtetasi me inicialet I.D., punonjës i një kompanie Security, është gjetur pa shenja jete në trotuar pranë një subjekti privat. Paraprakisht dyshohet se vdekja ka ardhur nga shkaqe natyrale.
“Më datë 19.06.2020, rreth orës 20:41, në autostradën Tiranë Durrës, në trotuar pranë një subjekti privat ku ka qënë me sherbim është gjetur i shtrire pa shenja jetë shtetasi I.D., 58 vjeç, punonjës i një kompanie Security.
Grupi hetimor ndodhet në vendngjarje, dhe vijon punën për zbardhjen e rrethanave të ngjarjes.
Nga kqyrja paraprake nuk janë konstatuar shenja dhune, dhe paraprakisht dyshohet se vdekja ka ardhur nga shkaqe natyrale”.
