E diel, 17 Janar, 2021
5 C
Tirana

Votimi final/ 15 kushtet që duhet të plotësojë Shqipëria përpara nisjes së negociatave

Mbrëmjen e djeshme, Parlamenti Evropian ka shpallur rezultatet e votimeve në tërësi për vendimet e tij, ku bën pjesë dhe rezoluta “Ballkani Perëndimor”.

Një pjesë e saj lidhet drejtpërsëdrejti me Shqipërinë, ku theksohet se Qeveria Rama duhet të përmbushë 15 kushtet e Bashkimit Evropian para konferencës ndërqeveritare dhe para fillimit të negociatave. Rezoluta mori edhe më shumë vota, sesa kur u miratua në parim.

Rezoluta kaloi me 532 vota pro, 70 vota kundra dhe 63 abstenime. Shumica prej 76% tregon një konsensus të gjerë në Parlamentin Evropian për zgjerimin në Ballkan, por edhe për kushtet që duhet të përmbushë qeveria shqiptare përpara konferencës së parë ndërqeveritare për nisjen e bisedimeve.

Kushtet u vendosën nga Këshilli Evropian me propozimin e Gjermanisë, Francës, Holandës, Danimarkës dhe Spanjës në mars të këtij viti.

Plani me 15 pika i Integrimit:

1- Miratimi i reformës zgjedhore

2- Funksionimi i Gjykatës Kushtetuese

3- Funksionimi i Gjykatës së Lartë

4- Finalizimi i ngritjes se strukturave kundër krimit të organizuar dhe anti-korrupsionit/Funksionimi i SPAK

5- Forcimi i luftës kundër korrupsionit dhe krimit të organizuar, në bashkëpunim me vendet anëtare dhe nëpërmjet Plan Veprimit për adresimin e krimit financiar

6- Ulje e numrit të azilkërkuesve, ku një nga masat është bashkëpunimi me Holandën, Francën, Britaninë e Madhe, Gjermaninë, Italinë, Irlandën. Vazhdimi i Zbatimit të Planit Ndërinstitucional të Veprimit për parandalimin e azilkërkimit të qytetarëve shqiptarë në vendet e Schengenit

7- Rishikimi i Ligjit të Medias në linjë me rekomandimet e Komisionit të Venecias

8- Vazhdimi i Reformës në Drejtësi

9- Prova të vazhdueshme – Iniciimi dhe përfundimi i proceseve gjyqësore të shkallës së parë të zyrtarëve të lartë dhe politikanëve.

10- Progres në reformën e administratës publike.

11- Zbatimi i reformës zgjedhore ku përfshihen, financimi transparent i partive dhe administrimi i paanshëm i procesit dhe procesi i rregullt.

12- Vendimi për ligjshmërinë e zgjedhjeve lokale 2019 që kërkon plotësimin e Gjykatës Kushtetuese.

13- Miratimi i Akteve nënligjore të Ligjit për Pakicat Kombëtare ku janë disa VKM.

14- Miratimi i  Ligjit (të amenduar) të Censusit

15- Avancimi i procesit të regjistrimit të pronave

- Reklama -

Më shumë nga kategoria




Të fundit

Nota franceze dhe mllefi shqiptar me vaksinat

Nga: Skënder Minxhozi Një reagim ishte i pritshëm, pasi “tenxherja me presion” ka kohë që zien e shfryn. Fjala është për mërrëdhëniet e kryeministrit Edi...

Vetëm 19 vjeç/ Kush është talenti nga Berati që debutoi në Bundesligën gjermane

Tim Civeja është mesfushori shqiptar 19-vjeçar që ka debutuar në Bundesligë ditën e djeshme me klubin e tij të Augsburgut ndaj Verder Bremenit në...

Si ndihmon Google Earth për të luftuar krimet ekologjike

Lista e krimeve që kryhen në sektorin e mjedisit në Lindjen e Mesme është e gjatë: rafineri të improvizuara nafte që lëshojnë tymra duke...

Rritet numri i të infektuarve në Kosovë, 5 viktima nga Covid-19

Pesë persona kanë vdekur dhe janë regjistruar 353 raste të reja me koronavirus në Kosovë, njoftoi Instituti Kombëtar i Shëndetësisë Publike (IKSHPK). "Rastet e vdekjes...

Rama merr pjesë në fejesën e vajzës nga Mamurrasi me djalin turk (Video)

Kryeministri Edi Rama ka marrë pjesë në fejesën e vajzës nga Mamurrasi, Eldës dhe djalit nga Stambolli, Burakut. Ata u takuan gjatë kohës që Buraku...