Vijojnë lëkundjet e tërmetit në Greqi. Mbrëmjen e djeshme janë regjistruar dy tërmete në ishullin e Kretës.
Sipas mediave vendase, lëkundjet e para janë ndjerë në orën 22:34. Instituti Gjeodinamik i Athinës regjistroi një tërmet me magnitudë 4.4 të shkallës rihter, me epiqendrën e tij 56 kilometra në jug të Arvi.
Ndërsa tërmeti i dytë, me magnitudë 4.5 të shkallës rihter tronditi sërish Kretën jugore në orën 23:17. Sipas Institutit Euro-Mesdhetar, epiqendra u raportua 59 kilometra në jug të Agios Nikolaos.
