Zbulohen detaje të tjera lidhur me ngjarjen në Gjirokastër, ku një 57-vjeçar u gjend pa shenja jete në makinën e tij.
Dyshohet se autori i krimit ka qenë duke udhëtuar me viktimën në mjetin e tij tip kamionçinë. Mes tyre ka lindur një konflikt i çastit, gjë që ka bërë autorin të qëllojë viktimën me sende të forta.
Bëhet me dije se Policia ka arritur ta identifikojë autorin e ngjarjes dhe po punon për kapjen e tij.
Për arsye hetimore si dhe për mprehtësinë e ngjarjes, policia nuk bën të ditura të dhënat e autorit pa dalë grupi hetimor në konkluzionin përfundimtar e të bazuar në prova ligjore si dhe pa prangosur autorin e dyshuar.
Njoftimi i policisë:
Gjirokastër/Informacion paraprak
Në aksin rrugor rural Polican-Suhë, shtetasi G. S., 57 vjeç, banues në Gjirokastër, në rrethana ende të paqarta është gjetur i pajetë në mjetin e tij tip kamionçinë.
Nga këqyrja paraprake dyshohet se është goditur me sende të forta.
Shërbimet e Drejtorisë Vendore të Policisë dhe të Komsiariatit të Policisë Gjirokastër kanë ngritur pika kontrolli dhe po kontrollojnë zonën për shoqërimin e personave të dyshuar si autorë të ngjarjes apo që mund të kenë dijeni për ngjarjen.
Grupi hetimor, nën drejtimin e Prokurorisë së Rrethit Gjyqësor Gjirokastër, po vijon punën për sqarimin e rrethanave të ngjarjes, me qëllim identifikimin dhe kapjen e autorëve.
