Pesë persona kanë humbur jetën nga koronavirusi në Serbi, gjatë 24 orëve të fundit. Kështu shkon në 156 numri total i personave që kanë humbur jetën si pasojë e COVID-19.
Anëtari i Shtabit të Krizës, Predrag Kon tha se janë testuar gjithsej 4,365 mostra të pacientëve, nga të cilat 263 kanë rezultuar pozitivë.
Që nga shpërthimi i koronavirusit, Serbia numëron gjithsej 8,042 raste të personave të infektuar. Ndërkohë deri më tani raportohet se janë shëruar 1,182 persona.
Serbia është vendi i dytë më i prekur në Ballkan, pas Rumanisë e cila shënon mbi 11 mijë raste infektimi dhe 619 viktima.
Rreth 3 milionë njerëz nga e gjithë bota janë prekur nga COVID-19, ndërsa mbi 206 mijë persona kanë humbur jetën.
