Është vetëm 4 vjeçe, por Beharja nuk mund të luajë me motrën e saj. Përkundrazi, i duhet të luftojë një armik që po i rrezikon shëndetin. Që në lindje ajo kishte një anomali në fund të shpinës, e cila është duke i shkaktuar edhe shumë komplikacione të tjera. Vuan nga një sëmundje e rrallë, e cila i ka dëmtuar edhe veshkat. Ndërsa gjendja shëndetësore sa vjen e i përkeqësohet.
“E regjistrova në kopësht, nuk e çova asnjë ditë sepse kam frikë se mos sëmuret atje. Çdo ditë më thotë, o mami pse nuk më çon mua në kopësht. E vë çantën që i kam blerë dhe ecën nëpër shtëpi. I kam larë spitalet me lot, sipas doktorëve është rast shumë i komplikuar.”
https://www.youtube.com/watch?v=JtthaDpgMME&feature=emb_title&ab_channel=Fundjav%C3%ABNdryshe
Në ankth dhe e dëshpëruar, Enkeleda i trembet çdo minuti që kalon. Për Beharen koha nuk mund të presë dot më, pasi veç shqetësimeve të tjera, vuan edhe nga temperatura e lartë. Doktorët në Shqipëri i kanë thënë se bëhet fjalë për një ndërhyrje shumë të specializuar dhe se trajtimi mund të kryhet vetëm jashtë vendit.
“Bëhet goca akull çdo moment, e kap shumë herë temperatura dhe ka ethe. Kam shumë frikë sa herë sëmuret, se jam vetëm në shtëpi deri sa të vijë bashkëshorti mund të jetë shumë vonë. Sepse gjendja e gocës është shumë e rëndë.”
Kryefamiljari është i punësuar në një pulari aty pranë, punon me orë të zgjatura për të fituar sado pak të holla; por përsëri për familjen është e vështirë t’ia dalin mbanë. Nuk kanë asnjë pasuri, ndërsa shtëpia ku jetojnë është e disa të afërmve. Prej vështirësisë ekonomike, Enkeleda e ka të pamundur t’i bëj vizita të shpeshta të bijës; ndërsa kontrolli i fundit mjekësor ka qenë afro 2 muaj më parë.
Beharja po kërkon veç një shpresë, sepse kjo, mund të jetë mundësia e saj e vetme për tu shëruar.
Bamirësia nuk të varfëron!
Për të dhënë kontributin tuaj, klikoni këtu.
