Rastet e paraqitura të familjeve të varfra në emisionin “Opinion” mbrëmjen e së martës, ku “Fundjavë Ndryshe” ka bërë apel për ndihmë ka zgjuar edhe interesimin e komuniteteve të ndryshme. Një ndër to është Xhamia “ Dine Hoxha”.
Duke mësuar gjendjen e 6 motrave jetime nga Kukësi, rastet e familjeve Gjepali dhe Kërtalli nga Durrësi si dhe familjes Luka nga Vora, Xhamia “Dine Hoxha” është shprehur e gatshme për t’iu ardhur në ndihmë këtyre familjeve me një shumë prej 30 mijë euro.
6 motrat jetime
Në fshatin Surrej, rreth 1 orë larg qytetit të Kukësit, jetonin 6 motra që kanë mbetur jetime.
Fati i mori babanë 6 vite me pare, dhe nënën përpara 3 muajsh. Që nga ajo ditë, këto vajza jetime humbën kujdesin dhe dashurinë prindërore, shtëpinë, të drejtën për t’u shkolluar dhe mundësinë për të jetuar një jete normale.
Besarta është 15 vjeç dhe njëkohësisht motra e madhe. Ajo është ende e traumatizuar nga humbja e te dy prindërve dhe shtëpisë.
Motrat me te vogla, Doruntina dhe Dashamirja janë 7 vjeç. Ato sapo kishin filluar klasën e pare, por u detyruan ta lënë përgjysmë 3 muaj me parë për shkak të fatkeqësisë që i ndodhi.
Ajo që kërkojnë këto vajza është e thjeshtë: një vend që të mund ta quajnë “shtëpi” nga ku askush nuk mund t’i përzëre, një shkolle që ta frekuentojnë pa e ndërprerë, ushqim dhe dashuri nga çdokush që mund të dhurojë.
Nëna e vetme me dy djem, kërkon punë që t’i ushqejë
Në emisioni “Opinion” u prezantua një tjetër rast i sjellë nga fondacioni “Fundjavë Ndryshe”. Rasti i Majlinda Kërtallit është i veçantë. Ajo jeton në Durrës me dy djemtë e saj. Babai i dy fëmijëve ka ndërruar jetë disa vite më parë. E ëma jeton vetëm me dy djemtë në një dhomë 30 metra katrorë.
Nëna është ushtuar shumë për të ushqyer dy djemtë. Jetoi vetëm më pensionin e një djali se
Një nga djemtë e familjes deklaron se ka dëshirë t’ia ndihmojnë familjen dhe të ketë një kompjuter një telefon.
Nëna kërkon sigurinë e jetesës për dy djemtë dhe të ketë mundësi që t’i arsimojë , t’i ushqejë dhe të mund t’i nxjerrë në jetë.
Në emisionin “Opinion” u prezantua një tjetër rast i sjellë për familjen Gjepali nga fondacioni “Fundjavë Ndryshe”, ku babai rrit i vetëm në kushte ekstreme 3 fëmijët e tij që pas vdekjes së bashkëshortes.
Vorë/Familja Luka mes varfërisë dhe sëmundjeve, “Fundjavë Ndryshe” apelon për ndihmë
Në emisionin “Opinion” është shfaqur rasti i familjes Luka në Vorë, ku “Fundjavë Ndryshe” ka bërë apel për të ndihmuar këtë familje e cila jeton në kushte të vështira ekonomike.
Përpos varfërisë një nga vajzat e familjes Luka ka probleme shëndetësore që lidhen me frymëmarrjen. E ëma e tre vajzave e cila është braktisur nga bashkëshorti punon si lule-mbledhëse për të nxjerrë jetesën.
“Kam punuar me ditë. Mbledh lule. Bleva dy divane që të mos flija përtokë”, thotë ajo.
Ndërsa njëra nga vajzat e cila ka probleme me frymëmarrjen thekson se nëse nuk merr ilaçet përkeqësohet edhe më shumë. “Kam nevojë për një vaksinë që ka të bëjë me astmën, që kushton me qindra euro”, thotë njëra nga vajzat.
Ndërsa tjetra shton se “Kam nevojë të kem një shtëpi dhe s’kam kushte aspak të mira. Ato kërkojnë një jetë më të qetë dhe të shëndetshme pas kaq shumë vuajtjesh”
Familja në kushte ekstreme, babai kërkon vetëm punë
Në emisionin “Opinion” u prezantua një tjetër rast i sjellë nga fondacioni “Fundjavë Ndryshe”. Rasti i familjes Gjipali është i rëndë. Babai rrit i vetëm në kushte ekstremë 3 fëmijët e tij që pas vdekjes së bashkëshortes.
Elton Gjepali jeton i vetëm me tre fëmijët e tij. Në një shtëpi të vogël në kushte shumë të vështira. Familja jeton me fare pak të ardhura. Këtë familje e ka ndjekur fatkeqsia, pas humbjes së nënës kanë humbur dhe ndihmën ekonomike.
Vajza më e madhe e shtëpisë megjithëse një fëmijë Erisa ka marrë rolin e të ënës duke u kujdesur për motrën më të vogël.
Babai i fëmijëve deklaroi: Kam nevojë për punë, çdo lloj pune që të kem mundësi të mbaj fëmijët me bukë.
Babait në emision iu premtua punë dhe një banesë e re.
