Gazeta holandeze ‘De Telegraaf’, shkruan se 3 partitë kryesore në Holandë kërkojnë që të rikthehen vizat për shqiptarët, pasi e shohin këtë si të vetmen mundësi për të parandaluar fenomenin e krimit të organizuar shqiptar në Holandë.
Kjo masë është mbështetur nga Partia Socialiste, Partia për Liri dhe Partia Demokristiane.
Sipas deputetit Fritsma, problemet nisën kur u liberalizuan vizat. “Për këtë mund të prisje, kriminelët përfitojnë kur s’ka kontrolle.”
Edhe deputetja Van Toorenburg, anëtare e të njëjtës forcë politike të Ministrit Holandez për Drejtësi dhe Siguri Grapperhaus, kërkon rikthimin e vizave për Shqiptarët.
“Unë dua të di kë fusim në shtëpi, do të kem shumë shpejt një debat me ministrin.”
Ndërkohë, edhe anëtari i Partisë Socialiste në Kuvendin e Holandës mbështet këtë masë “Duhet niset një procedurë emergjente për të rikthyer vizat”
Mbetet për t’u parë në seancën e radhës të planifikuar me tematikën “krimi organizuar shqiptar në Holandë”, nëse një shumicë e deputetëve do të mbështesin propozimin e 3 partive për të rikthyer vizat për Shqiptarët.
