Shqipëria po përballet me një shtim të rasteve me Covid-19, ndonëse prej disa ditësh, vendosja e maskës është bërë e detyrueshme në çdo ambient.
Ministrja e Shëndetësisë, Ogerta Manastirliu deklaroi sot se për të parë në terren zbatimin e masave anticovid, që nga qytetari më i thjeshtë deri tek biznesi më i madh, është ngritur një rrjet inspektorësh që u quajt “Task Forca” pro shëndetit.
Ajo këshilloi mbajtjen e maskave si një masë të nevojshme për të mos shkuar tek një tjetër mbyllje, ndërsa tha se 3 muajt që do vijnë nuk do të jenë të lehta.
Ogerta Manastirliu: “Prej 1 jave është vendosur masa për maskën, shumica e zbatojnë, ka edhe nga ata që refuzojnë ta bëjnë pjesë të rutinës së përditshme, por nevojitet ndërgjegjësimi dhe vetëdija për ta vendosur maskën. Është mjeti më efikas dhe ka sjellë në ato vende ku është përdorur në vazhdimësi një reduktim të përhapjes së covid.
Ne jemi 24 orë në punë, jemi në këmbë për t’ju përgjigjur çdo nevoje të çdo qytetari, kemi përgatitur kapacitetet për të përballur vjeshtë –dimrin, këto 3 muaj që nuk kanë për të qenë e lehtë, pasi pritet rritje numrash dhe shtim rastesh që kërkojnë hospitalizim. Do i përgjigjemi situatës me më shumë testime dhe gjurmim të rasteve në terren.’’
Publiée par Ogerta Manastirliu sur Mardi 20 octobre 2020
