Deputeti Halit Valteri kërkoi sot në Kuvend që të gjithë deputetëve t’u bëhet tamponi.
Rikujtojmë se ditën e djeshme konfirmuan infektimin me koronavirus deputetët Ralf Gjoni, Eljo Hysko dhe Enver Roshi.
“Zoti Ruçi, për shkak të asaj çfarë ndodhi, kolegëve u urojmë shërim sa më të shpejtë. Pas seancës së fundit të gjithë deputetët, t’i nënshtrohen një testimi apo tamponi”, u shpreh ai.
Ndërsa, referuar rishikimit të buxhetit, Valteri pohoi se shteti është në prag kolapsi si në 1997: “Rilindja në 7 vite qeverisje ka rezultuar një dështim i madh. Bilanci i sotëm është katastrofë totale, shteti është në prag kolapsi si në 1997. Edhe militanti më i flaktë i rilindjes ka filluar të dyshojë në këtë projekt”.
