Berisha është shprehur se nëse do kishte qenë në krye të PD-së në zgjedhjet parlamentare më 25 prill, kryeministri Rama do ishte larguar nga pushteti brenda javës. Në konferencën e përjavshme me gazetarët, kreu i Partisë Demokratike Sali Berisha është zotuar që të bëjë gjithçka për të mbrojtur votën e qytetarëve. Ai tha se çështja e votës është jetike, ndërsa shtoi se zotohet që do të bëjë gjithçka për ta mbrojtur.
“Parlamenti iu është bërë ferr, Rama lëshon gojën në Parlament në mënyrë të paimagjinueshme. PD është e vendosur të sakrifikojë dhe të bëjë gjithçka, që shqiptarët të votojnë të lirë. Bëj atë që them. Nëse do kisha qenë në krye të PD-së, Rama s’do ishte kurrë në pushtet, të bënte atë që bëri ai në prill. Brenda javës do largohej nga pushteti. Çështja e votës është jetike për shqiptarët, jua garantoj këtë, ky është zotimi im numër një! Më i rëndësishme para shqiptarëve. E kuptoj që janë shumë që e shesin dhe nuk votojnë, por do bëj ç’a mundem që të numërohet çdo votë. Siç fitoi Rama në 2013 dhe u numëruan votat. Do mundet dhe është i pashpresë, do bëjmë gjithçka që kjo kalbësirë të shembet sa më parë”, tha Berisha.
