Policia greke është shumë pranë zbardhjes së vrasjes së 20-vjeçares. Duket se këto do jenë 24 orët vendimtare, ku hetimet do të marrin një tjetër drejtim. Zhvillime të rëndësishme priten në 24 orët e ardhshme në hetimin policor, për të zbardhur vrasjen e Caroline Crouch, 20-vjeç, e cila mbeti e vdekur gjatë një grabitje më 11 maj në Glyka Nera të Greqisë.
Në mediat greke thuhet se ka të dhëna premtuese që mund të zbulojnë se çfarë ka ndodhur në të vërtetë në shtëpinë e çiftit në Glyka Nero, ku 20-vjeçarja jetonte me burrin e saj 32 vjeç dhe foshnja 11 muajshe. “TaNea” ka bërë me dije se brenda një kohe të shkurtër, policia pritet që të arrestojë vrasësin e vajzës fatkeqe.
Autoritetet janë optimistë në ditët e fundit për rezultatin përfundimtar të çështjes. Sipas informacionit të besueshëm nga grupi hetimor, nga regjistrimet digjitale dhe elektronike, dolën të dhëna që tregojnë lëvizje të panjohura të protagonistëve në çështje.
20-vjeçarja u vra natën midis 10 dhe 11 majit. Sipas dëshmisë së burrit të saj, tre persona me tipare të mbuluara thyen një dritare të shtëpisë dhe hynë në brenda ku po flinin çifti dhe foshnja 11 muajshe.
20-vjeçarja u gjet e vrarë, në papafingo të shtëpisë, pranë krevatit të fëmijës së saj 11 muajsh, ndërsa burri i saj 32 vjeç ishte i lidhur në një karrige në dhomën e gjumit. Ishte ai që njoftoi policinë, por bashkëshortja kishtë ndërruar jetë.
