Brenda 25 orësh janë evidentuar 21 raste të tjera me koronavirus në Greqi. Sikundër edhe Italia, po kështu edhe Greqia po ecën me ritme të shpejta referuar të infektuarve nga koronavirusi.
Sipas mediave vendase, frika dhe shqetësimi i mjekëve është përhapja në masë e virusit në Greqinë perëndimore.
Në total në Greqi janë shënuar 66 raste me koronavirus, ndërsa ekspertët besojnë se për 2-3 javë të tjera, do të vazhdojë me këtë ritëm.
Megjithatë nga 66 personat me Covid-19, shumica kanë simptoma të lehta, ndërsa 43 prej tyre nuk janë shtruar në spital, por ndodhen në shtëpi të vetëkarantinuar.
Në gjendje të rëndë paraqitet vetëm një 66-vjeçar, i diagnostikuar me koronavirus të mërkurën e kaluar.
