Gjatë seancës së sotme ishte parashikuar të niste me një interpelancë urgjente me kryeministrin Edi Rama, thirrur nga deputeti Ralf Gjoni dhe interpelanca me Ministren e Shëndetësisë, Ogerta Manastirliu. Por kryeministri Rama ia ka deleguar interpelancën ministres Manastirliu, pasi ka udhëtuar drejt Emirateve të Bashkuara Arabe.
Para se kjo lëvizje të bëhej publike sot nga Taulant Balla, këtë detaj e ka zbuluar më herët ish-kryeministri Sali Berisha. Ai ka treguar prapaskenat e kësaj mungese të kreut të qeverisë.
Berisha shkruan në një status në Facebook, se Rama ka shkuar në Abu Dabi, për të bërë vaksinën anti-COVID, ndërkohë që një udhëtim i tillë kushton të paktën 200 mijë euro. Kjo lëvizje, sipas Berishës, vjen në një kohë kur në spitalet COVID po vdesin pacientët e sëmurë për mungesë oksigjeni.
Statusi
Edvin Hajduti niset me avion te veçante per ne Abu Dabi!
Miq, burime nga Rinasi informojne se sot Edvin Hajduti eshte nisur me avion ne dispozicion per ne Emirate te Bashkuara Arabe.
Nuk dihet qellimi i ketij udhetimi te fshehte dhe pikerisht ne 1 vjetorin e termetit qe goditi rende vendin tone. Flitet se vaksinimi anticovid mund te jete arsyeja kryesore e ketij udhetimi blic pasi thuhet se neser do kthehet ne Tirane.
Miq, pavaresisht nga arsyeja e ketij udhetimi blic, une denoj me ashpersine me te madhe perdorimin nga Edvin Hajduti te avionit ne dispozicion ne vend te linjave tregtare.
Nje udhetim me avion te madh si ky i Edvinit ne dispozicion per ne Abu Dabi shkon te pakten 200 mije euro ne nje kohe kur ne spitalet covid vdesin te semure per mungese oksigjeni. sb
