Gazetari Alfred Lela ishte i ftuar mbrëmjen e sotme në emisionin “Real Story” në “News 24” prej ku foli për manifestimin e thirrur nga Presidenti Ilir Meta më 2 mars, në orën 17:00 përpara Presidencës.
Lela ndër të tjera theksoi se Presidenti i Republikës duhet të heqë “mantelin dhe të dalë si politikan”.
“Ilir Meta është në të katërtën fazë të tranzicionit politik në 4 pozicione të ndryshme. Pse jemi të detyruar që të kemi vetëm këta njerëz dhe pse në 2 mars me gjithë atë shenjtërinë e tij duhet që ta thërrasë Ilir Meta? Pse duhet t’i kemi këta persona që i ngjajnë më shumë Moisi Golemit apo Ballaban Pasha dhe jo Gjergj Kastriotit? Jam në atë pamundësinë e zgjedhjes, se s’mund të shkoj aty, është lëvizje politike e Ilir Metës dhe kontradikta e tij është që është President dhe duhet të heqë atë mantel dhe të dalë si politikan”, tha Lela.
