E diel, 28 Nëntor, 2021
13.5 C
Tirana

16 vjeç refugjat! Arkitekti me famë botërore, kryetari i ri i Prishtinës

Lëvizja Vetëvendosje ka pësuar disfatë në zgjedhjet vendore. Dje u mbajt raundi i dytë i komunave në balotazh, por partia më e humbur ishte ajo e kryeministrit Albin Kurti. Vetëvendosje humbi Prishtinën dhe shumë komuna të tjera. Komuna e vetme e madhe fituar prej saj është Gjilani.

Prishtina u fitua nga Përparim Rama i LDK-së

Prishtina është rikthyer sërish në qeverisjen e Lidhjes Demokratike, kjo pasi që në raundin e dytë të zgjedhjeve lokale, fitues doli kandidati i këtij subjekti, Përparim Rama.

Rama mori 40.659 vota ose 51.07% të totalit të votave, duke lënë mbrapa kandidatin e LVV-së, Arben Vitia i cili mori 38.958 vota apo 48.93%. Disfatë të thellë pësoi Mimoza Kusari Lila në Gjakovë. Pas numërimit të kutive, kandidati i VV-së për kryetar të Prishtinës, Arben Vitia e ka pranuar humbjen në këto zgjedhje.

Përmes një konference për media, Vitia ka thënë se tashmë Prishtina e ka kryetarin e ri, Përparim Ramën. “Sipas rezultateve që kemi edhe nga komisionerët tanë, Prishtina tashmë ka një fitues, e ai është zotëri Përparim Rama. Shfrytëzoj rastin të falenderoj aktivistët e LVV-së, qytetarët e Prishtinës dhe zotëri Rama po ashtu për një kulturë të përgjithshme dhe fushatë korrekte që karakterizoi Komunën e Prishtinës”, tha Vitia.

Pas shpalljes së rezultateve, Përparim Rama tha se do të realizojë të gjitha premtimet e bëra gjatë fushatës për garën e kryeqytetit. “Kemi me bë Prishtinë qysh jemi na qysh e kemi zemrën kështu të mirë, Prishtinën me bo me na bo me u ndje krenar, e meritojmë e ju premtoj që me zellin më të madh kam me punu derisa ta bëjmë transformimin të cilin ju kam premtu, do të bëhet, do ta bëj Prishtinën me karakter unik në botë…. Kam dalë si 16 vjeçar prej Prishtinës, kam shku në Londër… ju dua, sa shumë ju dua, ju dua. Përparim Ramës 16 vjeçar i kam premtuar që Prishtinën kur të më vet dikush ku është Prishtina, ka me ditë ku është Prishtina, Prishtinën kemi me qit në harta të botës për të mirë”, ka thënë ai.

Lexo edhe :   Masakrimi i masakrës

Profili i tij:

Përparim Rama lindi më 20 janar 1976. Është arkitekt e urbanist i njohur shqiptar – i vlerësuar me çmime ndërkombëtare.

𝐊𝐮𝐚𝐥𝐢𝐟𝐢𝐤𝐢𝐦𝐞𝐭 𝐚𝐤𝐚𝐝𝐞𝐦𝐢𝐤𝐞 𝐝𝐡𝐞 𝐩𝐫𝐨𝐟𝐞𝐬𝐢𝐨𝐧𝐚𝐥𝐞

𝐑𝐈𝐁𝐀 – Associate Member (Instituti Mbretëror i Arkitekteve Britanik ) 2003

𝐒𝐌𝐀𝐑𝐓𝐥𝐚𝐛 – Mbikëqyrës – Media Istituti SMARTlab Programi Master dhe Doktoraturë 2007

𝐂𝐄𝐂𝐀- Member – Centre for Evolutionary Computing in Architecture) 2003
MSc Master i dalluar

Qendra për Kompjutim Evolutiv në Arkitekturë

(University of East London) 2003

DipArch (University of East London)

Lexo edhe :   Masakrimi i masakrës

Shkolla e Arkitekturës

Instituti Mbreteror i Arkitekteve Britanik Pjesa II 2001-03

BA (Hons) SBU London South Bank University

Instituti Mbretëror i Arkitekteve Britanik Pjesa I 1995-98

Përvoja kyçe: Si drejtor themelues i 4M Group, Rama është përgjegjës për planifikim të menaxhimit dhe zhvillimit të përgjithshëm të byrosë, projektet e tij përfshijnë nga ato të banimit deri tek ato komerciale, nga hotelet deri tek ndërtimet mikse, aeroport dhe planifikim urban.

Rama konsulton Fondin e hulumtimeve Kombëtare të Shtetit te Katarit në projektet urbane dhe arkitekturale aktuale dhe të së ardhmes në Katar. Ai po ashtu është edhe udhëheqës i ekipit të projektit të master planit për zhvillimin e fshatit të qëndrueshëm “Dhërmi” në 10ha në jug të Shqipërisë, në detin Jon.

Ai ishte udhëheqës i konzorciumit ndërkombëtar të projektimit, udhëhequr nga 4M GROUP deri në lejen urbanistike të Kompleksit me te madh ne Ballkan me zhvillim miks në Prishtinë. Ai ishte këshilltar specialist në zhvillimin e veglave për planifikim hapësinor dhe arkitekturë për Newham Council dhe Tower Hamlets në Londër, në përgatitjet për Lojërat Olimpike Londra 2012. Ai ishte udhëheqës në projektim të planit rregullativ.

- Reklama -

Më shumë nga kategoria




Të fundit

Masakrimi i masakrës

Nga: Luçiano Boçi  Kur ndodh një krim, gjëja kryesore që bëjnë autorët është djegia e mjeteve me të cilat kryhet krimi. Pra asgjësohet vetë krimi....

I ndaloi keçapin lojtarëve, kompania nuk ia përton Antonio Kontes

Emërimi i Antonio Kontes në krye të Totenhemit, solli ndryshime në klub. Tekniku i dha një vemendje të veçantë ushqimeve që konsumonin lojtarët, të...

FORMULA 1/ Presidenti ‘tradhton’ Shumakerin: S’është më i miri i historisë

Presidenti i FIA-s i ka befasuar të gjithë, duke mos e kurorëzuar si më të mirin ish-pilotin e tij në kohën e Ferrarit. Zhan...

Skandali me pagesat e UEFA-s, FSHF publikon “provat” e gabuara

Federata Shqiptare e Futbollit ka dalë sot me një tjetër qëndrim zyrtar rreth çështjes së skandalit të shpërndarjes së fondeve të UEFA-s, në mënyrë...

Kreu zbulime që e revolucionarizuan shkencën: Kush ishte Galileo Galilei

Në cilësinë e ”babait” themelues në fushën e fizikës dhe astronomisë, Galileo Galilei është i njohur për kontribute të panumërta në shkencë. Mendimtari italian,...