Kreu i Komisionit Qendror të Zgjedhjeve, Klement Zguri ka hedhur poshtë deklaratën e zëdhënëses së KQZ-së lidhur me pjesëmarrjen në zgjedhje.
Drilona Hoxha deklaroi se pjesëmarrje deri në orën 15:00 ishte 15.5%, ndërsa kreu i KQZ-së e ka hedhur poshtë këtë shifër.
Në një deklaratë për mediat, Zguri tha se këto shifra nuk janë zyrtare dhe as të konfirmuara. Qëndrimi i tij është në vijim edhe të deklaratave të mëparshme.
“I qëndroj deklaratës, të dhënat për pjesëmarrjen nuk janë zyrtare. Shifrat janë marrë përmes rrugës elektronike nga Qendrat e Votimit për në KZAZ dhe më pas në KQZ. Shifrat nuk janë të konfirmuara zyrtarisht”, deklaron Zguri.
