Prokuroria në Maqedoninë e Veriut ka nisur hetimet për zbardhjen e shkaqeve të shpërthimit të zjarrit në spitalin e Tetovës. Mediat në vend bëjnë me dije se nuk ka personel mjekësor në mesin e të vdekurve, nga shpërthimi i zjarrit.
Fatkeqësisht, ka shkuar në 14 numri i viktimave dhe se disa nga trupat është vështirë të identifikohen. “Disa nga të vdekurit do të kenë nevojë për analiza të ADN-së për të përcaktuar identitetin e tyre.
Sipas informacioneve fillestare, nuk ka personel mjekësor në mesin e të vdekurve. Deri në orët e para të mëngjesit, prokurorët morën në pyetje stafin në spitalin modular për të përcaktuar shkakun e zjarrit”, thuhet në komunikatën e Prokurorisë.
Po të njëjtat burime shtojnë se 12 persona janë nxjerrë të gjallë nga Spitali Modular dhe janë dërguar për mjekim nëpër institucione te ndryshme shëndetësore, përfshi edhe Qendrën Klinike në Shkup. Gjithashtu mësohet se gjendja e tyre shëndetësore është e qëndrueshme, dhe se të lënduarit janë jashtë rrezikut për jetën.
