Gazetari Artan Hoxha ka nxjerrë ‘live’ disa imazhe të regjistruara në zona të ndryshme të vendit, ku shihen parcela të mbjella me kanabis. Hoxha tha se këtë vit çmimi i kanabisit ka arritur 1300-1600 euro për kilogram, ndërsa u shpreh se personat që e kultivojnë nuk janë banorë të zonave.
Hoxha: Këtë vit nuk ka pas parcela të mëdha si në pikun e lulzimit të hashashit. Parcela ku isha unë ruhej, mua më është dashur të hyj nga Tropoja. Problem është se krimi po investon miliona lekë për infrastrukturën. Shikoni, nga jashtë duket stallë, dhe stallë është, brenda ka lopë. Por ka dhe hashash.
Hoxha: Këtu është bërë supër investim, janë padyshim 2000-3000 rrënjë, një sasi shumë e madhe.
Gazetari tregon dhe parcelat e kanabisit në jug të vendit, me investim shumë të madh.
Hoxha: Ka panele diellore, gjeneratorë pa zhurmë. Ka depo ushqimesh, ushqime të blera në conad, kështu që ata që e kanë kultivuar nuk janë të zonës. Janë grupe nga Tirana dhe Durrësi, nga Fushë-Kruja. Për momentin gjëja që bie në sy është çmimi shumë i lartë i kanabisit, në një vend në jug minimumi ishte 1300 euro. Një gjeje cilësi të mirë, shkon në 1600 euro. Varet nga cilësia e bimës, mund të shkojë dhe 2 kg për një rrënjë. Me një rrënjë shkon 3000 euro”.
