Autoritetet shëndetësore në Kosovë bëjnë me dije se në 24 orët e fundit, 13 persona kanë ndërruar jetë si pasojë e koronavirusit ndërsa janë regjistruar 99 raste të reja.
Prej 13 marsit, kur janë regjistruar rastet e para me koronavirus në Kosovë, Instituti Kombëtar i Shëndetësisë Publike (IKSHPIK) ka raportuar për 12,547 të infektuar.
Deri më tani 8,657 pacientë janë shëruar, ndërsa aktualisht janë 3,410 raste aktive.
Përmes testit serologjik një person e kupton nëse është prekur në të kaluarën me koronavirus apo nëse ka krijuar anti-trupa ndaj tij.
Testet virologjike, që aktualisht kryhen edhe në dy laboratore private në Kosovë, përcaktojnë nëse një person është i infektuar me koronavirus në kohën kur testohet.
