121 afganët e parë që kanë ardhur në Shqipëri, tashmë janë strehuar në Durrës. Sot ka mbërritur grupi i parë me 121 shtetas afganë, nga 4000 që pritet të mbërrijnë në Shqipëri në ditët në vijim.
Shtetasit në fjalë mësohet se nuk do të lejohen të dalin nga territori i përcaktuar i godinave të hotelit ku do të qëndrojnë, dhe do të monitorohen 24 orë nga Policia e Shtetit.
Burimet bëjnë me dije se në strukturat hoteliere do të strehohen “elita”, ndërsa në konvikte pjesa tjetër nga 4000 afganët që pritet të strehojë Shqipëria.
