Ish-kreu i SHISH, Fatos Klosi, i ka cilësuar si absurde dhe false akuzat e parashtruara ndaj ish-ministrit të Brendshëm, Saimir Tahirit. Në studion e Report Tv, ai tha se akuzat ndaj tij janë komplet false, që mund të krijonin një precedent shumë të rrezikshëm. Klosi shtoi më tej se i duket absurde akuza për “pjesëmarrje në grupet kriminale”.
“Është gjetur një kokë turku, ka probleme të veta, por jo për ato që akuzohet. Ka qenë Ministër i Brendshëm. Në periudhën që ka qenë ai, Shqipëria u kanabizua.
Policia ka bërë hapa nën drejtimin e tij, por fakti që u kanabizua Shqipëri, është përgjegjësi e tij e madhe. Sa i takon akuzës “pjesëmarrje në grupet kriminale”, më duket absurde që në pak telefonata të përgjuara, nga disa horra që mburren me emrin e tij të kërkohet 12 vite burg, pastaj me gjykim të shkurtuar 8 vite. Është një precedent i rrezikshëm. Akuza ndaj tij është false komplet”, tha Klosi.
