Ambasadori i BE në Shqipëri, Luigi Soreca, njoftoi se BE ka ndryshuar buxhetin për vitin 2020. Sipas Sorecës, në buxhet përfshihet dhe fondi prej 100 milionë euro të premtuara nga Komisioni Evropian, për procesin e rindërtimit pas tërmetit të 26 nëntorit. Ai shkruan se premtimi mbahet dhe dorëzohet, duke e çuar misionin deri në fund. E njëkohësisht e mbyll me një mesazh mjaft domethënës, se BE qëndron pranë Shqipërisë.
“Sot Këshilli i BE-së ka ndryshuar buxhetin e vitit 2020, për të ofruar mbështetje shtesë kur është e nevojshme urgjentisht. Kjo përfshin 100 milion € të premtuara nga Komisioni i BE-së në shkurt, për të mbështetur rindërtimin pas tërmetit në Shqipëri. Premtimi mbahet dhe dorëzohet! BE qëndron pranë Shqipërisë!”, shkruan Soreca.
Lidhur me këtë çështje, një reagim ka ardhur nga kryeministri Rama. Referuar lëvrimit të 100 milionë eurove, Rama shkruan se ky është një lajm i mirë, ndërsa po përballemi me pandeminë.
Statusi
NJË LAJM I MIRË QË PAVARËSISHT HALLIT TË MADH TË PĒRBALLIMIT TË PASOJAVE TË KËSAJ LUFTE BOTËRORE, BE I QËNDROI ANGAZHIMIT TË 17 SHKURTIT NË BRUKSEL DHE 100 MILIONË € E PREMTUAR NGA KOMISIONI EUROPIAN PËR RINDËRTIMIN, U ALOKUAN NË BUXHETIN E RISHIKUAR TË BE2020????
