“Qendra e Solidaritetit Fundjavë Ndryshe” u shndërrua në një ambient festiv, duke u rrëmbyer buzëqeshjet fëmijëve në këtë ditë mjaft speciale për ta.
1 Qershori erdhi për ta në një atmosferë të gëzueshme, ku jo vetëm u argëtuan, por shijuan produktet e gatuara posaçërisht për ta.
Themeluesi i Fondacionit, Arbër Hajdari, ishte së bashku me ta, ku mes tyre spikasnin edhe fëmijët që kanë kryer ndërhyrje nga më të ndryshme falë kontributit të “Fundjavë Ndryshe” dhe donatorëve.
Fëmijët ndonëse nuk njiheshin me njëri-tjetrin, me pafajësinë e moshës, u bënë bashkë duke u argëtuar falë spektaklit të cirkut.
Të vegjlit u bënë pjesë e lojës së animatorëve dhe akrobatëve, ndërsa kanë pozuar edhe me personazhet e tyre të preferuar. Kjo shfaqje ishte një moment surprize për ta, duke e shenjuar në memorien e tyre si një ditë që do mbahet mend gjatë.
Fotot/ Disa nga rastet si kanë qenë dhe tashmë që gëzojnë shëndet të plotë
